حلو جدا ده انا جبت اول مرة العلبه الي فيها كذا باكت بكذا طعم وعجبني جدا البرتقال والرمان والليمون وكان ده سبب اني اطلبه مرة تانيه حجم اكبر بس المتوفر الحجم ده كان البرتقال وطبعا مترددتش وجبته ع طول
انا ع نظام الكيتوجينك وطبعا مفيش رفاهيه السكر او الفاكهه غير من المسوح فقط
لو هنتكلم ع المنتج احب اوضح انه اضافه حلوة جدا لليوم خصوصا لو حبيت تاخد حاجة مسكرة مع الحفاظ ع حاله الكيتوزيس فهو بيساعد جدا وكمان غني بالمعادن الي بنفقدها مع اليورن وغير كده كمان ممكن يستخدم ف وصفة كيك البرتقال بقشر البرتقال ومقدار باكت منه كفيل انه يديك نفس تيست كيكة البرتقال بتاع زمان وطبعا القشر بيكون يكاد لايذكر عشان بس الي يجي ف باله ان البرتقال مش كيتو هو مجرد نكهه وع مقدار الكيكة مش هيخرجك بره الكيتو
المقادير كالتالي للي مهتم
المكونات : 4 بيض - كيس باكينج باودر - نقطتين فانيليا سايلة - سكر كيتو حسب الرغبه - 4 معالق زبدة - 4 معالق كريمة خفق - 8 معالق دقيق جوز هند - معلقه بروتين باودر ويمكن الاستغناء عنها بدقيق جوز الهند او معلقه جوز الهند مبشور ممكن نحط الايزوبيور بروتين او نكتفي بالبدائل المذكورة - كيس فيتامين سي انا هنا استغنيت عنه وحطيت مكانه كيس من مشروب الالكتروليت بالبرتقال عشان فيتامين سي ف الغالب بيكون محلي وهنا هيدينا نفس طعم البرتقان بالظبط مع بشر برتقانه ناعم
الطريقة: نضرب البيض كويس اوي ونحط عليه الفانيليا والسكر والكريمة ونضربهم كويس ونضيف باقي المكونات ونضربهم تاني وفي صنيه مدهونه وعليها ورق ذبدة وع الفرن
الف هنا الطريقة ناجحة جدا والطعم تحفه جربوها مش هتندمو بجد
اذا رايي افادك اكرمني ب لايك وشكرا لمرورك 🥰🤗
