مُناسب للأطفال خاصةً إنهم الفئة الأكثر تعرضًا للكدمات والجروح ولدغات الحشرات .. وممتاز حتى لحروق المطبخ يخفّف من الآثار ويهدأ الألم ريحته خليط أعشاب مثل البابونج و اكليل الجبل وأيضًا العسل قوامه زيتي خفيف

ممتاز بنات ، عندي ولدي الصغير الله يحميه حركي ودايم يطيح وتطلع لك اثر الكدمات صرت احطه معي دايم بشنطته واستخدمه له بعد اي طيحه لاسمح الله حسيته يخفف الالم واثر الكدمات حتى هو يرتاح بعده لايك لو فادك تعليقي

طلبته لصديقتي وعجبها .. دايم يجي فيها مثل الجروح والضربات ودايم الناموس يقرصها .. حجمه حلو ينفع للسفر وينحط بالشنطه .. الحلو فيه انه منتج من مواد طبيعيه فممتاز للبشره الحساسه.

هذي رابع مره اشتريه واخذت 2 روووعه اولادي تبقى فيهم اثار الناموس ويطول الاثر مع هالبلسم احطه ومن بكرا مختفية ، سحرر (( لكن نصيحة لاتفكون اكثر من علبه بوقت واحد )) انا احط شي بالشنطه وشي بالبيت وشي بالدرج لان مره وحده من العلب قلبت ريحتها ورميتها اتوقع تعرض لدرجة حراره عالية ، فالافضل فكي علبه وحده بس واذا خلص فكي الثاني ، ترى العلبة تطووووول معك

كريم الكدمات الطبيعي والعضوي ومناسب لجميع أنواع البشرة ، ويحتوي على عسل المانوكا وشمع العسل كذلك زبدة الشيا وزيت الزيتون ، وينفع هذه الكريم للكدمات والجروح الخفيفة لانه يعمل على إيقاف النزيف ، ومن خلال التجربة يعمل على تخفيف حرارة الجروح الخفيفة وإلتئامها ، وشكراً على اللايك مقدماً

احبه حب هذا لي ثلاث سنين عندي شريته مره علبه وحده بطول الهالسنين اخذ نتفه نتفه كانه ذهب ممتاز للي عندها اطفال الفلوق الصعارير على طول على طول اول ماينفلق بزرك ادهنيه على طول راح يختفي الاثر بنف ياليوم والباعوض تروح الحكه ويختفي مكانها اي حكه حتى مكان الابره بعد الابره ادهنها خاصه ابرة مغذي تعور الايد من فوق استخدمته له وراح الوجع حساسيه احمرار حطه منه شي عجيب شريت الحين خمسه لانه من العام وانا ابحث وغير موجود

جدا جمييييل صار لي 4 شهور انتظر يعاد بيعه ؟ احتاجه وبقووه يخفي الكدمات خصوصا للي عندها طفل صغير جدا ممتاز مااستغني عنه حزينه انه ماعاد توفر وانتظر عودته لاطلب كميه اعتبره ضروري يكون مع كل ام 👍🏻

يجنن هالكريم يجيكم قوامه زي الفازلين لأي كدمه او رضه او الاطفال يصقعون ويطلع لهم انتفاخ تحطونه عليه مره مرتين باليوم يخففه ومع الاستمرار يروح حتى لتشقق الشفايف الشديد يفك ازمه وجوده بالبيت مهم

مكوناته ممتازه جدا وكلها اورجانك ومفيد لتخفيف صبغات واثار الكدمات انصحكم بيه لازم تجربونه وترا يعتبر مرهم عشبي يعني فعاليته ما توضح بيوم ويومين لا استنوا كمان كذا ايام وباذن الله تستفيدوا وحطوا لايك ربي يسعدكم :)

يا أصدقاء إذا أعجبكم منتج قيموه صح سواء موجب أو سالب .. إذا حطيتوا نجمه للمنتج الممتاز راح يقطعون المنتج خير شر قاعده تختفي منتجات بطله كله بسبب التقييمات لاتخافون ماراح يرفعون السعر قيموا ٥ نجوم عشان يعرفون وش المنتجات المطلوبه ويزيدون كمية انتاجها .. اضغطوا نعم عشان يرتفع التعليق والكل ينتبه لهذا الخطأ الغير مقصود