لكل أم تقرأ كلامي ( انت قوية ) 💪🏻
بين شعوري بالفرح اوقات وجود كتير حليب وبين زعلي وقت يكون فاضي و ما في حليب بدت رحلتي😅
الرضاعة الطبيعية للأم (يلي بتقدر) شي عظيم و مو سهل لكنه نعمه من الله و بتحتاج جهد منا كمان لإنه إدرار الحليب في عدة عوامل بتساعد على زيادته :
نفسياً: كوني مرتاحة على قد ما تقدري و لو سمعتي تعليقات سلبية اعملي ولا كإنك سامعة🙉😂و خصصي وقت لنفسك لو بس ربع ساعة و لااااا تنسي حالك متل ما صار معي بعد ولادتي👍🏻 خدي نفس عمييييق قبل ما تكملي قراءة🧘🏻♀️وابتسمي يا أحلى أم 😄 ما أحلى ضحكتك😍 يلا نرجع 👇🏻
التغذية : أهم شي شرب السوائل والماء و الشوربة و لا تنسي حالك من المكملات (ڤيتامين د/ اوميچا ٣/مغنيسيوم جلايسينيت قبل النوم…) بعد الفحص
💊تقييمي للمنتج : بالنسبه للإستخدام صارلي ٣ أيام باخد حبتين بعد الفطور والنتيجة الله يشهد انه زاد إدرار الحليب عندي بشكل واااضح الحمد و الشكر لله 🥹🥰🥰
مع شرب الماء و المكملات يلي كتبتها فوق و الوجبات 👍🏻 وحجم الكبسولة متوسط و سهلة البلع
❗️الآثار الجانبية:
من ناحية ((رائحة الجسم)) : صار في ريحة حلبة خفيفة مو قوية يعني بتلاحظيها فقط لما تشمي حالك😅و بتروح مع الشاور🧖🏻♀️ وبستخدم مزيل العرق ( آرم& هامر ) برائحة اللافندر واكليل الجبل رهيب ما بستغني عنه 👍🏻
من ناحية تانية حسيت انه زادت شهيتي شوي😂 و مبسوطة الصراحة لإني ما كنت آكل وتغذيتي كانت سيئة
كتبتلكم قصة حياتي😂 بس حسيت اني قاعدة معكم و نفضفض لبعض ههههه
اه صحيح كمان فائدة للمنتج انه ابني بيترك ألعابه و بيلعب فيها متل الخشخيشه😂😂
بحبكم يا أحلى أمهات ❤️ اعملولي لايك لو تكرمتم 🥹🌹
رح ارجع بعد استخدامي للعلبة اكتبلكم أي شي جديد إن شاءالله
💯 تعديل : أنقذني مع الصيام في رمضان بيجنننننن و رح اكرر الشراااااء 😍😍👏🏻👏🏻👏🏻👏🏻👏🏻
