مع اني محتاجة مكافآت بس ما قيمته لكم الا بعد ما انهيت العلبة عشان اقيم المنتج صح فلا تبخلون باللايك
طبيعة شعري مموج b2 وهذا افضل كريم جربته بحياتي بدون منااااااااااازع ابرز مشكلة بشعري النفشة وبقولكم تحت كيف خفت عندي الحمدلله والسر بمعرفة الكمية المناسبة من المنتج على شعرك وروتين عنايتي بشعري واشياء كثير متأكدة بتستفيدون منها بس حطوا لايك من الحين واضغطوا على عميل في ايهيرب اللي تحت التعليق وشوفوا تقييمي للمنتجات تراي دايم اقيم من قلب زي كذا 😋💘💘💘💘💘
نظامي لازم اجرب المنتج بكل الطرق وشعري جاف او رطب بنفس يوم اللي اخذت فيه شور او من بكرا مع ليف ان وبدون ليف ان وهذي طريقتي مع كل المنتجات اللي اشتريها عشان اعرف متى تعطيني افضل نتيجة
الكريم قوامه يجنننننننن مو خفيف ما يرطب ولا ثقيل يجلس طبقة فوق شعري الرائحة تفتح النفس بس ما تجلس بالشعر وحجمه كبير ترى وجلس معي فترة طويلة
ولاحظت ان افضل روتين ضبط معي بهذا الكريم هو اني وانا بالشور اعصر شعري بيدي من الموية او بتيشيرت بس ضغط خفيف بعدين اقسمه نص وامشطه وعلى طول احط الكريم
والسر عشان تعرفين الكمية المناسبة وهل شعرك اخذ كفايته من الكريم او يحتاج ترطيب اكثر انك توزعين المنتج صح وبعد ما تحطين الكريم تعصرينه وتشوفين وش لون الموية اللي تطلع منه اذا شفافه معناه ما ترطب اذا على بياض معناه اخذ كفايته وهذي الطريقة سويها مع كل الكريمات
لكن اهم اهم اهم شيء انه ما يجف أو ينتفش وانت ما حطيتي الكريم لو لاحظتي ان اطرافه جفت او الفروة طلع فيها نفشة وانت لسى ما حطيتي الكريم بللي شعرك بالكامل مرة ثانية بعدين حطيه مو تبللينه بالبخاخ بعد ما تطلعين بعدين تحطين المنتج هذي الطريقة كنت احسبها هي الافضل بس بعد ما جربت اني احط كريم بدورة المياة صارت افضل بكثييييييير
على سيرة النفشة اللي من الفروة كنت اعاني منها فترة طويلة وجربت كل الكريمات والليف ان ومن ضمنها هذا الكريم ولا نفع معي بعدين اكتشفت ان شعري بس كان محتاج تنقية لأن المنتجات تراكمت على الفروة وبس نقيته بشامبو جيوفاني الأخضر ومرة بعد مرة تخلصت من المشكلة الحمدلله وصار هذا الكريم نفسه يعطيني نتيجة ما كان يعطيني اياها قبل
