السلام عليكم اخواتي الغاليات بعد تجربة المنتج فور وصوله
اولا كثيف جدا اكثف من كونسيلر تارت . يعني نقطه جدا كثير عالوجه . تكنيك العمل به باعتباره كثيف وغير دهني (مات)
وعلى اساس انه للهالات السوداء..
غير صحيح هو ينفع للوجه كامل بطريقه احترافيه اولا حطي جل الصبار على وجه نظيف وانطري ينشف وزيدي تحت العين والجفن العلوي وطبطبي عليه قبل ان ينشف اخر مرحله للرطوبه اخذي نتفه من الكونسيل اخلطيه مع كريم قوامه خفيف اكرر قوامه خفيف ثقيل على ثقيل يصبح طين . وهو اصلا كونسيلر طيني .. راح يندمج بخفه حطي نتفه تحت العين وحولها والباقي زوعي عالوجه انا ماستخدمت الفرش او بلندر لان بيخطط المنتج طيني ماينفعه الا اصابعك الحلوه .. المهم فرشته عالوجه.. النتيجه اولا فل كفر ثانيا يغطي ام الاثار خاصه التاتو الحواجب ثالثا مات
رشيت فوقه برايمر بختين مو اكثر عشان يتجانس اكثر وينعم يحتاج لوس باودر بدون لون ضربه خفيفه وبعدها باودر اصفر على منطقة الجفن السفلي للاضائه فقط... بدون باودر ماينفع الا اذا كنتي بمنطقه جدا بارده مايمصل معاج ويلزق
بنات حالة الوجه والعمر تلعب دور بدون مانضحك على بعضنا الي عندها تجاعيد وايد تبتعد عنه...
اللون اخذت متوسط وطلع لونه طيني وردي اغمق درجات البيج ليس كالصوره اغمق نفس لون الفخار المحمر ماتفهمين لونه لاهو بيج لاهو بني المهم لون يلوع الجبد .
بس تعالجيه باي فونديشن فاتح الي تبينه من هالمنتج التغطيه فقط باعتباره فل كفر اذا عندك اثار او سايره حفل اولون بشرتك سمرا ..اصلا السمرا ينفعها كل وقت لانه منتج مصنوع خصيص لها.. تستاهل الحلوه . انا عجبني ولاكن الحكم من اطلع اشوفه يحوس الدنيا ولا لا وارجع اضيف لكم معلومه لونه اغمق من بشرتي انا حنطيه فاتح بس انا احب الي على برونز اخذته باعتباره ماركة تعتني بمنتجات البشره وغير حيواني والشي الثاني حبيت اجرب مليت من سيفورا .. تحياتي لكم .....❤️
الفائدةنص نص
تركيبة ثقيله
اللون ابد مايناسب للاسف
الملمس ناعم
مخاوف بعد التجربه ثتبت اذا هناك مخاوف ولاكن اشعر انه يغلق المسامات
تغطيه ممتازة
الفائدة ليست قويه
العبوة مناسبه
العمر مدري ماجيكت
الحجم مناسب
