يجنن ادمان وربي تكرهين الغيارات وقرفها بعد هالمنتج كثير بنات اكيد متقرفين او خافيين منه بس والله ي بنات انه مريح وتحسي بنظافه وتودعي حساسيه الغيارات وقرفها وطريقته مره سهله شوفها عاليوتيوب طبعا انا مخلفة مرتين طبيعي واخذت الحجم هذا والحجم ١ الاصغر كلها ناسبتني صراحه والحلو انا مايسرب ابد البس معاه احيانا حمايه في اسوأ الاحوال الاقي نقطه او نقطتين عالحمايه بس ..اذا فادك تعليقي لا تنسي اللايك الله يسعدك

حبيته كثيرررر فرق شاسع بينه وبين الفوط الصحية .. انظف وماتحاتين التسريب ولا غيره.. ممكن يسرب اذا كانت غزيرة مرة بس تسريب بسيط يعني ممكن تلبسين معه فوطة قماشية او عادية .. وطبعا ممكن تسبحين في مسبح او غيره معه بدون ما تحاتين ابدااا لانه مافيه اي تسريب ولا حوسة

لو أتكلم من اليوم لبكرة ماأوفيه حقة .. أفضل وأجمل وأروع اختراع ، ايش النظافة وايام الدورة تقل بعد الاستخدام والالم يقل والالتهابات والروائح تروح .. اتروشي واسبحي بيه مايضر صراحة مدري كيف الناس عايشة بدونه ...

الصراحة مااستغني عنه وجداً ممتاز ومع طول الاستعمال راح تتقنوا استخدامه لكن اهم شي خصصوا له قدر صغير لغلي الكوب لمدة خمس دقائق قبل استعماله قبل كل دورة ، مريح جداً جداً بس انتبهوا اذا دورتكم غزيزة طلعوه كل ساعتين او اقل ونظفوه ورجعوه واذا بتطلعوا حطوا اليوميه واذا بتطولوا حطوا العاديه المضغوطة عشان لو حصل تسريب والتسريب مايصير الا اذا ماانفتح الكوب في الداخل او انه امتلئ وطبعاً الايام الوسط والاخيرة من الدورة مايحتاج تطلعوه الا مرة او مرتين تنظفوه وترجعوه واعلى حد في بقائه في المهبل فقط 12 ساعه يتنظف ويرجع وبس وسلامتكم

الافضل على الاطلاق يحل مشكلة كل مرأة عامله و جنج ما عندج الدورة كلش و تتسبحين مرتين باليوم و انتهى السواد من ورى الفوط الصحيه و اهي مو صحية على الاطلاق لايك على الكومنت حقي اذا اشتريتي و استخدمتي هالمنتج عقب تعليقي و غير حياتكم

اولاً المنتج يأتي معه حقيبة صغير للحفظ الى وقت الاستخدام و كتيب تعليمات ثانياً الكثير من التعليقات تقول انه سبب لهم ضيق وقت الاستخدام ، واعتقد انه بسبب عدم قرائتهم للتعليمات ، يجب غلي المنتج لمدة 5 الى 10 دقائق قبل الاستخدام الأول ثالثاً في تعليقات تقول انه يسرب وهذا لسببين السبب الاول اخذو الحجم الخطاء السبب الثاني تم تركيبه بطريقة خطاء يجب ثنيه بنفس الطريقة الموجودة بكتيب التعليمات و ارفقت الصورة للتوضيح رابعاً عند اخراج الكوب يجب الضغط من الأسفل وتدويره دورة كاملة مع السحب وموجودة هذي النقطة بالكتيب اتمنى افدتكم ، لا تنسو تعطوني لايك 💛

تجنن تمنيت اني عرفتها من زمان ..ان شاء الله راح تكون هديه بنتي بعد زواجها .. اضافه الى انها من الامور المستدامه اللي لازم تكون عند كل سيده متزوجه ..عندي التهابات و حساسيه بسبب الفوط الصحيه ..استعملت التامبون فتره وارتحت والان ديفاكب هي خياري الاخير بإذن الله اذا طلعتيها عند التغيير احرصي ع فتح للتخفيف الضغط عند السحب للخارج اتمنى فهمتوني

فيني انا عنه من زمان نظافه و راااحه خاصه وقت النوم ارتحت من هم الغيارات والتسريب والقلق خاصه لما تكون غزييره حياتي تغيرت للأفضل في فترة الدوره و اي سيده عامله انصحك فيه بيناسبك كثير

مريح اول ايام الدوره خصوصا لو كانت غزيره التعامل معه سهل ممكن بالبدايه مايكون مريح بس مع الوقت تحس اساسا ماكأن عليك الدوره

جربت هذا الحجم والحجم الوسط.. هذا ممتاز لأول ثلاث ايام الدوره والحجم الوسط لباقي ايام الدوره.. اجمل اختراع في الحياه وكنت متردده اني اجربه بس الحمدلله اني جربته وارتحت من الكوتكس والحساسيه .. غير عدم الراحه وقت النوم والتسريب عالملابس كل مشاكل الدوره انتهت من يوم استخدمت الاكواب.. بالبدايه راح تطفشكم وقت التركيب بس حتتعودو عليها وابدا ماتحسو فيها ولا كأنكم حاطين شي.. اللي ماعندها اطفال تاخذ المقاس الوسط واللي عندها ولادات طبيعيه تاخذ الحجم الكبير